തിരുവനന്തപുരം: കൊവിഡ് നിയന്ത്രണങ്ങളുടെ ഭാഗമായി സംസ്ഥാനത്ത് നിര്‍ത്തിവച്ചിരുന്ന മുഴുവന്‍ കെ.എസ്.ആര്‍.ടി.സി സര്‍വിസുകളും ഇന്നു മുതല്‍ പുനഃരാരംഭിക്കുമെന്ന് സി.എം.ഡി ബിജു പ്രഭാകര്‍ അറിയിച്ചു. അതേസമയം ഫാസ്റ്റ് പാസഞ്ചറുകള്‍ രണ്ട് ജില്ലകളിലും സൂപ്പര്‍ ഫാസ്റ്റുകള്‍ നാല് ജില്ലകള്‍ വരെയും ഓപ്പറേറ്റ് ചെയ്യുന്ന സമ്പ്രദായം നിലനിര്‍ത്തുമെന്നും അദ്ദേഹം പറഞ്ഞു.
ക്രിസ്മസ്, പുതുവത്സര ദിനത്തോടനുബന്ധിച്ച് കെ.എസ്.ആര്‍.ടി.സി പ്രത്യേക അന്തര്‍ സംസ്ഥാന സര്‍വിസ് നടത്തും. ഡിസംബര്‍ 21 മുതല്‍ ജനുവരി നാലു വരെയാണ് പ്രത്യേക സര്‍വിസ്. കേരളത്തിലെ വിവിധ കേന്ദ്രങ്ങില്‍നിന്ന് ബംഗളുരുവിലേക്കും തിരിച്ചുമാണ് സര്‍വിസ്.