താജികിസ്ഥാന്‍ -
ഉത്തരകൊറിയ

അഹമ്മദാബാദ്: രണ്ടാമത് ഇന്റര്‍ കോണ്ടിനെന്റല്‍ കപ്പിന്റെ ഫൈനല്‍ പോരാട്ടം ഇന്ന് നടക്കും. രാത്രി 8ന് അഹമ്മദാബാദില്‍ നടക്കുന്ന മത്സരത്തില്‍ താജികിസ്ഥാനും ഉത്തരകൊറിയയും തമ്മില്‍ കിരീടത്തിനായി പോരാടും. രണ്ട് മത്സരങ്ങളില്‍ ജയം സ്വന്തമാക്കി ആറ് വീതം പോയിന്റുമായി ഒന്നും രണ്ടും സ്ഥാനത്ത് നില്‍ക്കുന്ന ടീമുകളാണ് താജികിസ്ഥാനും ഉത്തര കൊറിയയും. സിറിയ മൂന്നാം സ്ഥാനവും ഇന്ത്യ നാലാം സ്ഥാനവും കരസ്ഥമാക്കി.
കിരീട പ്രതീക്ഷയുമായി എത്തിയ ഇന്ത്യക്ക് കാര്യമായ നേട്ടമൊന്നും സ്വന്തമാക്കാന്‍ കഴിഞ്ഞില്ല. കഴിഞ വര്‍ഷത്തെ കിരീടനേട്ടം തുടരാന്‍ ഇന്ത്യക്ക് സാധിച്ചതുമില്ല. ഇതുവരെ നടന്ന ആറ് മത്സരങ്ങളിള്‍ 25 ഗോളുകളാണ് പിറന്നത്. മൂന്ന് മത്സരത്തില്‍നിന്ന് താജികിസ്ഥാന്‍ ആറു ഗോളുകള്‍ നേടുകയും മൂന്ന് ഗോളുകള്‍ വഴങ്ങുകയും ചെയ്തു. ഉത്തര കൊറിയ ഏഴ് ഗോളുകള്‍ നേടിയപ്പോള്‍ ഏഴ് ഗോളുകള്‍ വഴങ്ങുകയും ചെയ്തു. ഗ്രൂപ്പ് ഘട്ടത്തില്‍ താജികിസ്ഥാനും ഉത്തരകൊറിയയും ഏറ്റുമുട്ടിയപ്പോള്‍ എതിരില്ലാത്ത ഒരു ഗോളിന്റെ വിജയം കൊറിയക്കൊപ്പമായിരുന്നു. മൂന്ന് ഗോളുമായി ഇന്ത്യന്‍ താരം സുനില്‍ ഛേത്രി, കൊറിയന്‍ താരം ജോങ് ഗ്വാന്‍ എന്നിവരാണ് ടോപ് സ്‌കോറര്‍മാരായിട്ടുള്ളത്.