കൊല്‍ക്കത്ത: മലയാളി താരം ജോബി ജസ്റ്റിന് എതിരേ ഈസ്റ്റ് ബംഗാള്‍ നല്‍കിയ പരാതി തള്ളി. ട്രാന്‍സ്ഫര്‍ അസാധുവാക്കണം എന്ന് പറഞ്ഞ് ഈസ്റ്റ് ബംഗാള്‍ ഉന്നയിച്ച പരാതി തള്ളാന്‍ അന്വേഷണസംഘം തീരുമാനിച്ചതോടെ ഇനി താരത്തിന് എ.ടി.കെയില്‍ കളിക്കാം.
ഈസ്റ്റ് ബംഗാളില്‍ നിന്ന് എ.ടി.കെയിലേക്കുള്ള ജോബിയുടെ ട്രാന്‍സ്ഫര്‍ അസാധുവാക്കി കൊല്‍ക്കത്ത ഫുട്‌ബോള്‍ അസോസിയേഷനായി വിധി എഴുതിയിരുന്നു.
ആ വിധിക്ക് എതിരേ ജോബി എ. ഐ.എഫ്.എഫിനെ സമീപിച്ചതിലാണ് പുതിയ വിധി ജോബിക്ക് അനുകൂലമായി വന്നത്.
പ്ലയര്‍ സ്റ്റാറ്റസ് കമ്മിറ്റിയാണ് ഈസ്റ്റ് ബംഗാളിന്റെ ആരോപണങ്ങള്‍ തെറ്റാണെന്ന് ഇപ്പോള്‍ വിധിച്ചത്.
ഈസ്റ്റ് ബംഗാളുമായി കരാറില്‍ ഇരിക്കെ ആണ് എ.ടി.കെ നിബന്ധനകള്‍ ലംഘിച്ച് ജോബിയെ സൈന്‍ ചെയ്തത് എന്നതായിരുന്നു ഈസ്റ്റ് ബംഗാളിന്റെ പരാതി.