എടപ്പാള്‍: ഇടിച്ച് മറിഞ്ഞ മണല്‍ ലോറി നേരം വെളുത്തപ്പോള്‍ അപ്രത്യക്ഷമായി.
സംസ്ഥാന പാതയില്‍ മാണൂരില്‍ വ്യാഴാഴ്ച രാത്രിയാണ് സംഭവം നടന്നത്. മണലുമായി പോകുകയായിരുന്ന മണല്‍ ലോറി നിയന്ത്രണം വിട്ട് മറിഞ്ഞതായാണ് കരുതുന്നത്.
അപകടം നടന്നതോടെ മണല്‍ ഉപേക്ഷിച്ച് ലോറിയുമായി കടന്നതായാണ് പ്രദേശവാസികള്‍ പറയുന്നത്. എന്നാല്‍ സംസ്ഥാന പാതയില്‍ ലോറി മറിഞ്ഞതോ നീക്കം ചെയ്തതോ ആയ വിവരം പൊലിസിനും അറിയില്ല.മണല്‍ കടത്തുന്ന ലോറി പിടിക്കപ്പെട്ടാല്‍ വലിയ പിഴ നല്‍കേണ്ടി വരും എന്നതിനാല്‍ മണല്‍ മാഫിയ രാത്രി തന്നെ ലോറി നീക്കം ചെയ്തതായാണ് കരുതുന്നത്.