കൊടുവള്ളി: അജ്ഞാത ജീവി കൂട്ടില്‍ കെട്ടിയ അഞ്ച് ആടുകളെ കടിച്ചു കൊന്നു. നഗരസഭയിലെ മാനിപുരം ഡിവിഷനിലെ പാറക്കുഴി നിലകുന്നത്ത് ദിനേശന്റെ വീട്ടിലെ ആടുകളെയാണ് അജ്ഞാത ജീവികടിച്ചുകൊന്ന നിലയില്‍ കാണപ്പെട്ടത്.
ചൊവ്വാഴ്ച പുലര്‍ച്ചെയായിരുന്നു സംഭവം. വീടിനടുത്ത് സ്ഥാപിച്ച കൂടുകളില്‍ കെട്ടിയ രണ്ടണ്ടു തള്ള ആടുകളെയും മൂന്ന് ആട്ടിന്‍കുട്ടികളെയുമാണ് അജ്ഞാത ജീവി കൂടു തകര്‍ത്ത് കടിച്ചുകൊന്നത്.
വീട്ടുകാര്‍ രാവിലെ ഉണര്‍ന്നപ്പോഴാണ് സംഭവം അറിയുന്നത്. പൊലിസിലും വനം വകുപ്പിലും പരാതി നല്‍കി.