തിരുവനന്തപുരം: ഡിസംബര്‍ 18ന് റീപോളിങ് നടന്ന വയനാട് സുല്‍ത്താന്‍ബത്തേരി മുനിസിപ്പാലിറ്റിയിലെ തൊടുവെട്ടി, മലപ്പുറം തിരൂരങ്ങാടി മുനിസിപ്പാലിറ്റിയിലെ കിസാന്‍ കേന്ദ്രം എന്നീ വാര്‍ഡുകളിലെ ഫലം പ്രഖ്യാപിച്ചു. സുല്‍ത്താന്‍ബത്തേരി തൊടുവെട്ടി വാര്‍ഡില്‍ കോണ്‍ഗ്രസിന്റെ അസീസ് മാടാല വിജയിച്ചു. തിരൂരങ്ങാടി കിസാന്‍ കേന്ദ്രം വാര്‍ഡില്‍ മുസ്‌ലിം ലീഗിന്റെ ജഹ്ഫര്‍ കുന്നത്തേരി വിജയിച്ചു.
തൊടുവെട്ടി - 76.67, തിരൂരങ്ങാടി കിസാന്‍ കേന്ദ്രം - 80.21 എന്നിങ്ങനെയാണ് പോളിങ് ശതമാനം രേഖപ്പെടുത്തിയത്. മുന്‍പ് നടന്ന തിരഞ്ഞെടുപ്പില്‍ ഈ പോളിങ് സ്‌റ്റേഷനുകളിലെ വോട്ടിങ് യന്ത്രങ്ങള്‍ ഫലം തിട്ടപ്പെടുത്താന്‍ കഴിയാത്ത വിധം തകരാറിലായതിനാലാണ് റീപോളിങ് നടത്തിയത്.