തൊടുപുഴ: ഇടവെട്ടി ഔഷധസേവ ഇന്ന്  നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു. രാവലലെ ആറുമുതല്‍ പകല്‍ 1.30 വരെ ഇടവെട്ടി ക്ഷേത്രസന്നിധിയിലാണ് രോഗശമനത്തിന് സഹായകമാകുമെന്ന് കരുതപ്പെടുന്ന മരുന്ന് സേവ. മലയാളത്തിനുപുറമെ തമിഴ്, കന്നഡ, തെലുങ്ക്, ഹിന്ദി, ഇംഗ്ലീഷ് ഭാഷകളിലും ഔഷധസേവയുടെ നോട്ടീസ് പുറത്തിറക്കിയിട്ടുണ്ട്. തമിഴ്‌നാട്, ആന്ധ്ര, തെലങ്കാന, കര്‍ണാടകം, ഡല്‍ഹി, മഹാരാഷ്ട്ര എന്നിവിടങ്ങളില്‍നിന്നുള്ളവരും ഔഷധസേവയ്‌ക്കെത്തുമെന്നാണ് പ്രതീക്ഷിക്കുന്നത്. തൊടുപുഴ ബസ് സ്റ്റാന്‍ഡില്‍നിന്ന് പുലര്‍ച്ചെ 5.30 മുതല്‍ ഇടവെട്ടിയിലേക്ക് കെഎസ്ആര്‍ടിസി പ്രത്യേക സര്‍വീസ് നടത്തും. വാര്‍ത്താസമ്മേളനത്തില്‍ ദേവസ്വം പ്രസിഡന്റ് വി.ബി ജയന്‍, സിജു ബി. വടക്കേമൂഴിക്കല്‍, എം.ആര്‍ ജയകുമാര്‍, എം.കെ നാരായണമേനോന്‍, രാജഗോപാല്‍ എന്നിവര്‍ പങ്കെടുത്തു.