കാബൂള്‍: അഫ്ഗാനിസ്താനിലെ കാബൂള്‍ സര്‍വകലാശാല പ്രവേശനകവാടത്തിലുണ്ടായ ശക്തമായ സ്‌ഫോടനത്തില്‍ എട്ടു പേര്‍ കൊല്ലപ്പെട്ടു. 33 പേര്‍ക്ക് പരുക്കുണ്ട്. ആരും ഉത്തരവാദിത്തമേറ്റെടുത്തിട്ടില്ല. സ്‌ഫോടനം രണ്ടു വാഹനങ്ങളിലെ ബോംപ് പൊട്ടിത്തെറിച്ചാണെന്നും എന്നാല്‍ ചാവേര്‍ ബോംബാണോ എന്ന് വ്യക്തമല്ലെന്നും കാബൂള്‍ പൊലിസ് വക്താവ് ഫിര്‍ദൗസ് ഫറാമാര്‍സ് പറഞ്ഞു.
ഖത്തറില്‍ താലിബാനും സര്‍ക്കാര്‍ പ്രതിനിധികളും തമ്മില്‍ നടന്ന ചര്‍ച്ചയില്‍ സാധാരണക്കാര്‍ കൊല്ലപ്പെടുന്നത് ഒഴിവാക്കുമെന്ന് ധാരണയായി ദിവസങ്ങള്‍ക്കകമാണ് ഈ സ്‌ഫോടനം.