നീലേശ്വരം: മുന്നൊരുക്കങ്ങളില്ലാതെ സ്‌കൂള്‍ തുറക്കുന്നതിനു തലേദിവസം വരെ നടത്തുന്ന കംപ്യൂട്ടര്‍ പരിശീലനം ഹയര്‍സെക്കന്‍ഡറി അധ്യാപകര്‍ക്കു പീഡനമാകുന്നതായി പരാതി. നാഥനില്ലാത്ത നിലയിലാണ് ഇക്കാര്യത്തില്‍ ഹയര്‍സെക്കന്‍ഡറി വകുപ്പു പെരുമാറുന്നതെന്നു ഹയര്‍സെക്കന്‍ഡറി സ്‌കൂള്‍ ടീച്ചേഴ്സ് അസോസിയേഷന്‍ (എച്ച്.എസ്.എസ്.ടി.എ) സംസ്ഥാന കമ്മിറ്റി കുറ്റപ്പെടുത്തി.
ഹയര്‍സെക്കന്‍ഡറി വകുപ്പിന് യാതൊരു ഉത്തരവാദിത്തവുമില്ലാതെ ഐടി അറ്റ് സ്‌കൂള്‍ നടത്തുന്ന പരിശീലനം നിര്‍ത്തിവെക്കണമെന്നു സംസ്ഥാന പ്രസിഡന്റ് എം.രാധാകൃഷ്ണന്‍, ജനറല്‍ സെക്രട്ടറി ഡോ.സാബുജി വര്‍ഗീസ് എന്നിവര്‍ ആവശ്യപ്പെട്ടു.