പാരിസ്: നെയ്മറിന്റെ പോക്ക് എങ്ങോട്ടാണെന്ന് ഏറെകുറെ ഉറപ്പായി. കഴിഞ്ഞ ദിവസം മെസ്സിയെ പുകഴ്ത്തി നെയ്മര്‍ രംഗത്തെത്തിയതോടെയാണ് നെയമര്‍ ബാഴ്‌സലോണയിലെത്തുമെന്ന സംശയം ബലപ്പെട്ടത്. പ്രീ സീസണ്‍ മത്സരങ്ങള്‍ക്ക് വേണ്ടി പി.എസ്.ജിക്കൊപ്പം ചേര്‍ന്ന നെയ്മര്‍ ക്ലബ് വിടാന്‍ തന്നെ തീരുമാനിച്ചിട്ടുണ്ടെന്നാണ് പുതിയ റിപ്പോര്‍ട്ടുകള്‍. എന്നാല്‍ ഇപ്പോഴും എവിടേക്ക് പോകുമെന്ന കാര്യത്തില്‍ അവ്യക്തത തുടരുന്നു. യുവന്റസിലേക്ക് പോകുന്ന കാര്യത്തില്‍ റിപ്പോര്‍ട്ടുകളുണ്ടായിരുന്നെങ്കിലും ഇക്കാര്യത്തില്‍ ഇതുവരെ പുതിയ ഒരു വിവരവും ലഭിച്ചിട്ടില്ല. ലോക ഫുട്‌ബോളിലെ ഏറ്റവും മികച്ച താരം ആരാണെന്ന ചോദ്യത്തിന് മെസ്സിയാണെന്ന് നെയ്മര്‍ ഉത്തരം പറഞ്ഞു. താന്‍ ക@ണ്ട കളിക്കാരില്‍ മെസ്സിയോളം പോന്ന ഒരു ഫുട്‌ബോള്‍ താരവും ഇല്ല. നെയ്മര്‍ പറഞ്ഞു. മെസ്സി തന്നെ ഈ ലോകത്തെ ഏറ്റവും മികച്ച ഫുട്‌ബോളര്‍. മെസ്സിക്ക് ഒപ്പം ഒരു മാജിക്കല്‍ കൂട്ടുകെട്ട് ഉണ്ട@ാക്കാന്‍ തനിക്ക് ആയിരുന്നു എന്നും നെയ്മര്‍ പറഞ്ഞു.
മെസ്സിക്ക് ഒപ്പം കളിക്കാന്‍ കഴിഞ്ഞത് ഒരേസമയം ആനന്ദവും അഭിമാനവുമാണെന്ന് നെയ്മര്‍ കൂട്ടിച്ചേര്‍ത്തു. മികച്ച താരം എന്നതിനും അപ്പുറം മെസ്സി തന്റെ മികച്ച സുഹൃത്താണെന്നും നെയ്മര്‍ പറഞ്ഞു. ഒരുപക്ഷെ വീണ്ടും നെയ്മര്‍ ബാഴ്‌സലോണയിലെത്തുകയാണെങ്കില്‍ മികച്ചൊരു മുന്നേറ്റ നിരയെതന്നെ ബാഴ്‌സക്ക് സൃഷ്ടിക്കാനാകും.