റാവല്‍പിണ്ടി: അഫ്ഗാനുമായി അതിര്‍ത്തി പങ്കിടുന്ന ചമാന്‍ ഗേയ്റ്റ് പാകിസ്താന്‍ വീണ്ടും തുറന്നു. 22 ദിവസത്തെ അടച്ചിടലിനു ശേഷമാണ് അതിര്‍ത്തി ഗെയ്റ്റ് തുറന്നത്. അഫ്ഗാന്‍ സൈന്യം പാകിസ്താനില്‍ ആക്രമണം നടത്തിയെന്നാരോപിച്ചാണ് അതിര്‍ത്തി അടച്ചിട്ടിരുന്നത്.

റമദാനിന്റെ ഭാഗമായാണ് ഇപ്പോള്‍ ഗെയ്റ്റ് തുറന്നത്. അഫ്ഗാന്‍ അധികൃതരുടെ അഭ്യര്‍ഥ മാനിച്ച് റമദാനിന്റെ ഭാഗമായി ഗെയറ്റ് തുറക്കുകയാണെന്ന് പാകിസ്താന്‍ പ്രസ്താവനയില്‍ അറിയിച്ചു.

അതിര്‍ത്തിയില്‍ പരസ്പര ആക്രമണങ്ങളുണ്ടാവില്ലെന്നും വെടിനിര്‍ത്തല്‍ ലംഘിക്കില്ലെന്നും പ്രസ്താവനയില്‍ പറയുന്നുണ്ട്.