ജിദ്ദ: പൊലിസ് വേഷത്തിലെത്തി താമസ സ്ഥലത്ത് വനിതയെ പീഡിപ്പിച്ച മൂന്ന് പാകിസ്താന്‍ പൗരന്‍മാരുടെ തലവെട്ടി. ക്രിമിനല്‍ കോടതി വിധി അപ്പീല്‍ കോടതിയും സുപ്രിം കോടതിയും ശരിവച്ചതോടെയാണ് സഊദി ആഭ്യന്തര മന്ത്രാലയം ശിക്ഷ നടപ്പാക്കിയത്. മദ്യപിച്ചെത്തി താമസസ്ഥലത്ത് അതിക്രമിച്ച് കയറിയ പ്രതികള്‍ ആയുധങ്ങള്‍ കാണിച്ച് ഭീഷണിപ്പെടുത്തി വനിതയെ പീഡിപ്പിക്കുകയായിരുന്നു.
കൂടാതെ പീഡിപ്പിക്കണമെന്ന ഉദ്ദേശത്തോടെ മറ്റൊരു സ്ത്രീയുടെ മുറിയുടെ വാതില്‍ തകര്‍ക്കുകയും ചെയ്തുവെന്നും കുറ്റപത്രത്തില്‍ പറയുന്നു.