തിരുവനന്തപുരം: ജനുവരി ഒന്ന് മുതല്‍ സംസ്ഥാനത്ത് മുഴുവന്‍ കെ.എസ്.ആര്‍.ടി.സി ബസുകളും സര്‍വിസ് നടത്തുമെന്ന് ഗതാഗത മന്ത്രി എ.കെ ശശീന്ദ്രന്‍. കട്ടപ്പുറത്തുള്ള മുഴുവന്‍ ബസുകളും നിരത്തിലിറക്കാനുള്ള നടപടി സ്വീകരിച്ചിട്ടുണ്ടെന്നും മന്ത്രി പറഞ്ഞു.

ലോക്ക് ഡൗണിനെ തുടര്‍ന്നായിരുന്നു കെ.എസ്.ആര്‍.ടി.സി സര്‍വിസുകള്‍ ഭാഗികമായി കുറച്ചത്. കെ.എസ്.ആര്‍.ടി.സി ബസുകളില്‍ പതിനഞ്ചുവരെ ആളുകള്‍ക്ക് നിന്ന് യാത്ര ചെയ്യാന്‍ അനുമതി നല്‍കിയിട്ടുണ്ട്. കൊവിഡ് മാനദണ്ഡം പാലിക്കേണ്ടതിനാല്‍ നിന്നുള്ള യാത്രക്ക് ഇതുവരെ അനുമതി ഉണ്ടായിരുന്നില്ല.