ആലപ്പുഴ: കേരള സിവില്‍സപ്ലൈസ് ഓഫീസേഴ്‌സ് ഫെഡറേഷന്‍ എട്ടാമത് ജില്ലാ സമ്മേളനം ജോയിന്റ് കൗണ്‍സില്‍ ജില്ലാ സെക്രട്ടറി പി. എസ് സന്തോഷ്‌കുമാര്‍ ഉദ്ഘാടനം ചെയ്തു. ലീന എന്‍ അധ്യക്ഷത വഹിച്ചു. പീറ്റര്‍ ചാള്‍സ് എം. ജെ സ്വാഗതം പറഞ്ഞു.
റസിയാ ബീഗം എ രക്തസാക്ഷി പ്രമേയവും എസ് അഭിലാഷ് അനുശോചന പ്രമേയവും അവതരിപ്പിച്ചു. കെ ജി മഹീന്ദ്രന്‍, സഞ്ജയ്‌നാഥ് ആര്‍, ആര്‍ രാജീവ്കുമാര്‍, ആര്‍ വി സതീഷ്‌കുമാര്‍, സി സെബാസ്റ്റ്യന്‍, രാജേഷ് മനച്ചിറക്കല്‍ എന്നിവര്‍ സംസാരിച്ചു.
ബീന ഭദ്രന്‍ സംഘടനാ റിപ്പോര്‍ട്ടും സഞ്ജു എം പ്രവര്‍ത്തന റിപ്പോര്‍ട്ടും അവതരിപ്പിച്ചു. സുനില്‍കുമാര്‍ വരവ് ചെലവ് കണക്കും പി ആര്‍ മുരളി നന്ദിയും പറഞ്ഞു.