പൂച്ചാക്കല്‍: പ്രകൃതി ചൂഷണവും മാലിന്യ കൂമ്പാരങ്ങളുടെയും നേര്‍ക്കാഴ്ചയുടെ ഫോട്ടോ പ്രദര്‍ശനം ശ്രദ്ധേയമായി. പ്ലാസ്റ്റിക് ഉള്‍പ്പെടെയുള്ള മാലിന്യങ്ങള്‍ വലിച്ചെറിയുന്നതു മൂലം ഭൂമിയുടെ ചരമഗീതംകുറിക്കുന്ന ഈ കാലഘട്ടത്തില്‍ ഫോട്ടോ പ്രദര്‍ശനം ഒരു വ്യത്യസ്ത അനുഭവമായി.
ആള്‍ കേരളാ ഫോട്ടോഗ്രാഫേഴ്‌സ് അസോസിയേഷന്‍ പൂച്ചാക്കല്‍ യൂനിറ്റിന്റെ ആഭിമുഖ്യത്തില്‍ ഗാന്ധിജയന്തി ദിനത്തിലാണ് പൂച്ചാക്കല്‍ വടക്കെക്കരയില്‍ മണ്ണും മനുഷ്യനും എന്ന വിഷയില്‍ ഫോട്ടോഗ്രാഫി പ്രദര്‍ശനം സംഘടിപ്പിച്ചത്.
പാണാവള്ളി പഞ്ചായത്ത് പ്രസിഡന്റ് രാജേഷ് വിവേകാനന്ദ ഫോട്ടോപ്രദര്‍ശനം ഉദ്ഘാടനം ചെയ്തു. യൂണിറ്റ് പ്രസിഡന്റ് ടി.ദേവരാജന്‍ അധ്യക്ഷനായി. സിനിമാ തിരക്കഥാകൃത്ത് രതീഷ് രവി, ലില്ലി, സിനിമാ താരം കെവിന്‍ എന്നിവര്‍ മുഖ്യാതിഥികളായിരുന്നു.
ചേര്‍ത്തല മേഖല പ്രസിഡന്റ് ജോയി കണ്ടംകുളം, ട്രഷര്‍ രാജേഷ് നാരായണന്‍, സാബു പൂച്ചാക്കല്‍, സുജിത് പി.പി, മനു, സന്തോഷ്, ബിജുമോന്‍ എന്നിവര്‍ പ്രസംഗിച്ചു.
യൂനിറ്റ് അംഗങ്ങളും മേഖലയിലെ മറ്റ് ഫോട്ടോഗ്രാഫര്‍മാരുടെയും നേതൃത്വത്തിലായിരുന്നു പ്രദര്‍ശനം. രാവിലെ പത്തിന് തുടങ്ങിയ പ്രദര്‍ശനം വൈകിട്ട് ആറിന് സമാപിച്ചു. യൂനിറ്റ് സെക്രട്ടറി എ.ജി അശോകന്‍ നന്ദിയും ശ്രീജിത് നടേശന്‍ നന്ദിയും പറഞ്ഞു. സജിത്, പവിശങ്കര്‍, ജയകുമാര്‍, ജോണി ജോസഫ് നേതൃത്വം നല്‍കി.