തിരുവനന്തപുരം: എറണാകുളം-തിരുവനന്തപുരം റൂട്ടില്‍ വൈദ്യുതി ബന്ധം തകരാറിലായതിനെ തുടര്‍ന്ന് ഏറെ നേരമായി തടസ്സപ്പെട്ട ട്രെയിന്‍ ഗതാഗതം പുനഃസ്ഥാപിച്ചു. കൊല്ലത്തിനും ശാസ്താംകോട്ടക്കയ്ക്കും മധ്യേ വൈകീട്ടോടെയാണ് റെയില്‍വേ വൈദ്യുതി ലൈനില്‍ തകരാറുണ്ടായത്.

ഇതേ തുടര്‍ന്ന് നിരവധി ട്രെയിനുകള്‍ വിവിധ സ്ഥലങ്ങളില്‍ പിടിച്ചിട്ടിരുന്നു. പിന്നീട് ഡീസല്‍ എഞ്ചിന്‍ ഉപയോഗിച്ച് ശാസ്താംകോട്ടവരെ എത്തിച്ചാണ് ഏതാനും വണ്ടികള്‍ യാത്ര തുടര്‍ന്നത്. തകരാര്‍ പരിഹരിച്ചെങ്കിലും വേഗ നിയന്ത്രണത്തോടെയാണ് സര്‍വിസ് തുടരുന്നത്.