കല്‍പ്പറ്റ: കോഴിക്കോട് മാധ്യമ പ്രവര്‍ത്തകരെ പൊലിസ് കസ്റ്റഡിയിലെടുക്കുകയും കൈയേറ്റം ചെയ്യുകയും ചെയ്തതില്‍ പ്രതിഷേധിച്ച് കെ.യു.ഡബ്ല്യു.ജെ നേതൃത്വത്തില്‍ കല്‍പ്പറ്റയില്‍ മാധ്യമപ്രവര്‍ത്തകര്‍ ഡിവൈ.എസ്.പി ഓഫിസ് മാര്‍ച്ച് നടത്തി. പ്രസ്‌ക്ലബ് പരിസരത്തു നിന്നാരംഭിച്ച മാര്‍ച്ച് ഡി.വൈ.എസ്.പി ഓഫിസിന് മുന്നില്‍ പൊലിസ് തടഞ്ഞു. വി.ജെ വര്‍ഗീസ്, കെ.എ അനില്‍കുമാര്‍, സമീര്‍ ബത്തേരി എന്നിവര്‍ സംസാരിച്ചു. സംഭവത്തില്‍ സുല്‍ത്താന്‍ ബത്തേരി പ്രസ് ക്ലബും പ്രതിഷേധം രേഖപ്പെടുത്തി.
മാധ്യമപ്രവര്‍ത്തകരെ അക്രമിച്ചവര്‍ക്കെതിരെ ശക്തമായ നടപടിയെടുക്കാന്‍ സര്‍ക്കാര്‍ തയാറാവണമെന്ന് യോഗം ആവശ്യപെട്ടു. യോഗത്തില്‍ പ്രസ് ക്ലബ് വൈസ്പ്രസിഡന്റ് എ.സി ബൈജു അധ്യക്ഷനായി. മധു നടേഷ്, കോണിക്കല്‍ ഖാദര്‍, പി മോഹനന്‍, അബൂതാഹിര്‍, അരുണ്‍ വര്‍ഗീസ്, ജിന്റോ, ജയരാജ് ബത്തേരി, വി ശശീധരന്‍, സൈഫുദ്ധീന്‍ മാടക്കര, ജോജി വര്‍ഗീസ്,് സന്ദീപ്, എന്‍.എ സതീഷ്, സതീശന്‍ നായര്‍, സയ്തലവി പൂക്കളത്തില്‍, കെ.ജെ ജോസ് തുടങ്ങിയവര്‍ സംസാരിച്ചു.