റിയാദ്: യമനിലെ ഹൂതി വിമതര്‍ക്കെതിരേ സഊദിയുടെ നേതൃത്വത്തിലുള്ള അറബ് സഖ്യസേന സൈനിക നീക്കം തുടങ്ങിയതായി സഊദി ദേശീയ ടെലിവിഷന്‍ റിപ്പോര്‍ട്ട് ചെയ്തു. തലസ്ഥാന നഗരിയായ സന്‍ആയിലെ ഹൂതി കേന്ദ്രങ്ങള്‍ ലക്ഷ്യമാക്കിയാണ് സഖ്യസേന നീക്കം. ഹൂതി സൈനിക ക്യാംപുകള്‍, ആയുധ മേഖലകള്‍ തുടങ്ങിയവ എന്നിവ ലക്ഷ്യമാക്കിയാണ് സൈനിക നീക്കം.

പ്രദേശത്തെ ജനങ്ങളോട് മാറിത്താമസിക്കാന്‍ സഖ്യസേന മുന്നറിയിപ്പ് നല്‍കിയിട്ടുണ്ട്. അതിനിടെ കഴിഞ്ഞ ദിവസവും സഊദിയെ ലക്ഷ്യമാക്കി ഹൂതികള്‍ ഡ്രോണ്‍ ആക്രമണം നടത്തി. എന്നാല്‍, സഊദി പ്രതിരോധ സേന നീക്കം തകര്‍ത്തതിനാല്‍ വന്‍ നാശനഷ്ടം ഒഴിവായി. ശനിയാഴ്ച രാവിലെ നടന്ന സൈനിക നീക്കത്തതില്‍ അഞ്ചു മിസൈല്‍ വിക്ഷേപണ കേന്ദ്രങ്ങള്‍ തകര്‍ത്തതായി സഊദി സഖ്യസേന വക്താവ് കണ്ടാല്‍ തുര്‍ക്കി എ മാലികി പറഞ്ഞു.

അതേസമയം, ഇറാന്‍ സഹായത്തോടെ ഹൂതികള്‍ തിരിച്ചടിക്കുന്നതായാണ് റിപോര്‍ട്ടുകള്‍. മുന്നേറുന്ന യമന്‍ സൈന്യത്തിന് പിന്തുണ നല്‍കിയാണ് അറബ്‌സഖ്യ സേനയുടെ നീക്കം.