തിരുവനന്തപുരം: വെള്ളറടയില്‍ ഓട്ടോറിക്ഷ മറിഞ്ഞ് രണ്ട് പേര്‍ മരിച്ചു. പാറശ്ശാല സ്വദേശികളായ രാധാമണി, സുമ എന്നിവരാണ് മരിച്ചത്.

പരുക്കേറ്റ ഓട്ടോറിക്ഷ ഡ്രൈവര്‍ പരമേശ്വരന്‍, ഓട്ടോറിക്ഷയില്‍ ഉണ്ടായിരുന്ന രജിത്ത് എന്നിവരെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

വെള്ളറട കുരിശുമലയില്‍ പതിനൊരയോടെയാണ് അപകടമുണ്ടായത്. അഞ്ചാം കുരിശിനു സമീപത്ത് ഒരു ചടങ്ങില്‍ പങ്കെടുത്ത് തിരികെ വരികയായിരുന്നു സംഘം. മൃതദേഹം കാരക്കോണം മെഡിക്കല്‍ കോളജ് മോര്‍ച്ചറിയില്‍ സൂക്ഷിച്ചിരിക്കുകയാണ്.