കല്‍പ്പറ്റ: സുപ്രഭാതം മലയാളത്തിന്റെ സുകൃതം എന്ന പ്രമേയവുമായി ഓഗസ്റ്റില്‍ നടക്കുന്ന രണ്ടാം വാര്‍ഷികാഘോഷങ്ങളുടെ ജില്ലാ തല പ്രവര്‍ത്തനങ്ങളെ കുറിച്ച് ആലോചിക്കുന്നതിനും അന്തിമ രൂപം നല്‍കുന്നതിനുമായി സമസ്ത ജംഇയ്യത്തുല്‍ മുഅല്ലിമീന്‍, സുന്നി മഹല്ല് ഫെഡറേഷന്‍, മദ്‌റസ മാനേജ്‌മെന്റ് അസോസിയേഷന്‍, സുന്നി യുവജന സംഘം, എസ്.കെ.എസ്.എസ്.എഫ്, എസ്.ബി.വി എന്നീ സംഘടനകളുടെ ജില്ലാ ഭാരവാഹികളും റെയ്ഞ്ച് പ്രസിഡന്റ്, സെക്രട്ടറി, ട്രഷറര്‍, ചെയര്‍മാന്‍ എന്നിവരും ഉള്‍കൊള്ളുന്ന ജില്ലാ നേതൃ സംഗമം നാളെ 10.30ന് വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമി ലൈബ്രറി ഹാളില്‍ നടക്കും. സുപ്രഭാതം ചെയര്‍മാന്‍ കോട്ടുമല ടി.എം ബാപ്പു മുസ്‌ലിയാര്‍, സി.ഇ.ഒ മുസ്തഫ മാസ്റ്റര്‍ മുണ്ടുപാറ, സംസ്ഥാന കോഡിനേറ്റര്‍ അബ്ദുറഹിമാന്‍ മുസ്‌ലിയാര്‍ കൊടക്, സമസ്ത കേന്ദ്ര മുശാവറാ അംഗങ്ങളായ കെ.ടി ഹംസ മുസ്‌ലിയാര്‍, വി മൂസക്കോയ മുസ്‌ലിയാര്‍, പിണങ്ങോട് അബൂബക്കര്‍ സംബന്ധിക്കും.
സമസ്തയുടെയും പോഷക ഘടകങ്ങളുടെയും മുഴുവന്‍ ജില്ലാ ഭാരവാഹികളും റെയ്ഞ്ച് ഭാരവാഹികളും സംബന്ധിക്കണമെന്ന് ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് എം.എം ഇമ്പിച്ചിക്കോയ മുസ്‌ലിയാരും സുപ്രഭാതം ജില്ലാ കോഡിനേറ്റര്‍ ഹാരിസ് ബാഖവി കമ്പളക്കാടും അറിയിച്ചു.