റോം: യൂറോപ്പിലെ സജീവമായ അഗ്‌നിപര്‍വതമായ ഇറ്റലിയിലെ എറ്റ്‌ന വന്‍ ലാവാ പ്രവാഹത്തോടെ പൊട്ടി. ഇതോടൊപ്പം കട്ടിയേറിയ പുക ആകാശത്തേക്കുയര്‍ന്നതിനാല്‍ കറ്റാനിയയിലെ രണ്ട് വിമാനത്താവളങ്ങള്‍ അടച്ചു.
പിന്നീട് പുക അടങ്ങിയതോടെ ഇവ ഭാഗികമായി തുറന്നു. ഇടയ്ക്കിടെ ഈ അഗ്നിപര്‍വതം പൊട്ടാറുണ്ടെങ്കിലും 2009നു ശേഷം ഇത്ര ശക്തമായ ലാവ പ്രവാഹമുണ്ടാവുന്നത് ആദ്യമായാണ്. ലാവ ഒന്നര കിലോമീറ്റര്‍ ദൂരെ വരെ എത്തി.