കല്‍പ്പറ്റ: 2016 ലെ സംസ്ഥാന ഫോട്ടോഗ്രാഫി അവാര്‍ഡിന് ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് എന്‍ട്രികള്‍ ക്ഷണിച്ചു. 'മണ്ണും മനുഷ്യനും' എന്നാണ് വിഷയം. ഒന്ന്, രണ്ട്, മൂന്ന് സ്ഥാനക്കാര്‍ക്ക് യഥാക്രമം 50000, 30000, 25000 രൂപ ക്യാഷ് അവാര്‍ഡിനു പുറമെ ശില്‍പവും സാക്ഷ്യപത്രവും ലഭിക്കും. കൂടാതെ പത്ത് പേര്‍ക്ക് പ്രോത്സാഹന സമ്മാനമായി 2500 രൂപയും സര്‍ട്ടിഫിക്കറ്റും നല്‍കും. എന്‍ട്രിയായി അയക്കുന്ന ഫോട്ടോകളുടെ വലിപ്പം 18ഃ 12 ആകണം.
കളര്‍ ഫോട്ടോകള്‍ (ലേസര്‍ പ്രിന്റുകള്‍ ഒഴികെ) മാത്രമെ സ്വീകരിക്കുകയുള്ളു. മത്സരത്തില്‍ ഒരാള്‍ക്ക് മൂന്ന് എന്‍ട്രികള്‍ അയക്കാം.  അപേക്ഷ അയക്കുന്ന കവറിന് മുകളില്‍ 'സംസ്ഥാന ഫോട്ടോഗ്രാഫി അവാര്‍ഡ് 2016' എന്ന് എഴുതിയിരിക്കണം.
ഡയറക്ടര്‍, ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ്, സൗത്ത് ബ്ലോക്ക്, സെക്രട്ടേറിയറ്റ്, തിരുവനന്തപുരം-695001 എന്ന വിലാസത്തില്‍ ഓഗസ്റ്റ് 10ന് അഞ്ച് മണിക്ക് മുമ്പ് എന്‍ട്രികള്‍ ലഭിക്കണം.