കൂറ്റനാട്: കഴിഞ്ഞ ദിവസം കൂറ്റനാട് കെ എം ഓഡിറ്റോറിയത്തില്‍ നടന്ന വിവാഹ സല്‍ക്കാരത്തില്‍ പിഞ്ചുകുഞ്ഞിന്റെ മാല കവര്‍ന്ന സ്ത്രീയെ ചാലിശേരി പൊലീസ് അറസ്റ്റ് ചെയ്തു .കണ്ണൂര്‍ നടക്കാവ് സ്വദേശിനി മാലതി (29) ആണ് പൊലീസ് പിടിയിലായത് .ആള്‍ക്കൂട്ടത്തിനിടയില്‍ കുഞ്ഞിന്റെ കഴുത്തില്‍ നിന്ന് മാല പൊട്ടിച്ചെടുക്കുന്ന ദൃശ്യം സി സി ടി വി ക്യാമറയില്‍ പതിഞ്ഞിരുന്നു .
സമൂഹമാധ്യമങ്ങളില്‍ ഇത് പ്രചരിക്കുകയും ചെയ്തിരുന്നു.ചേലക്കരയില്‍ വെച്ച് മറ്റൊരു കേസില്‍ പിടികൂടിയതോടെയാണ് കൂറ്റനാട്ടെ മോഷണത്തിന് തുമ്പുണ്ടായത് .മാലതി ഇതിന് മുമ്പ് കോഴിക്കോടും പട്ടാമ്പിയിലും നടന്ന രണ്ട് സമാനമായ കേസുകളില്‍ പ്രതിയാണ് .പ്രതിയെ തെളിവെടുപ്പിന് വേണ്ടി സംഭവസ്ഥലത്ത് എത്തിച്ചു .ചാലിശേരി എസ് ഐ അരുണ്‍കുമാര്‍ .എസ് ഐ സത്യന്‍ എന്നിവരുടെ നേതൃത്വത്തിലാണ് തെളിവെടുപ്പ് നടന്നത്.