മണ്ണാര്‍ക്കാട്: സ്ത്രീ പീഡന കേസില്‍ ഡി.വൈ.എഫ്. ഐ നേതാവിനെ പൊലീസ് അറസ്റ്റ് ചെയ്തു. കോട്ടോപ്പാടം കൊടക്കാട് സ്വദേശി മാട്ടയില്‍ വീട്ടില്‍ വിജീഷിനെ(28)യാണ് നാട്ടുകല്‍ പൊലീസ് അറസ്റ്റ് ചെയ്തത്. ഡി.വൈ.എഫ്.ഐ കോട്ടോപ്പാടം മേഖലാ ജോയിന്റ് സെക്രട്ടറിയും, സി.പി.എം കൊടക്കാട് ബ്രാഞ്ച് സെക്രട്ടറിയുമാണ് വിജീഷ്. തന്നെ ലൈംഗികമായി പീഡിപ്പിച്ചെന്നും,
കാമറയില്‍ പകര്‍ത്തിയ പീഡന ദൃശ്യങ്ങള്‍ സോഷ്യല്‍ മീഡിയയില്‍ പ്രചരിപ്പിക്കുമെന്ന് ഭീഷണിപ്പെടുത്തി വീണ്ടും പീഡിപ്പിക്കാന്‍ ശ്രമിച്ചെന്നുമുള്ള സ്ത്രീയുടെ പരാതിയിലാണ് പൊലീസ് നടപടി. ഒന്നര വര്‍ഷങ്ങള്‍ക്ക് മുമ്പ് സ്ത്രീയെ ലൈംഗികമായി പീഡിപ്പിച്ച പ്രതി ദൃശ്യങ്ങള്‍ ക്യാമറയില്‍ പകര്‍ത്തുകയും ഇവ സാമൂഹ്യ മാധ്യമങ്ങള്‍ വഴി പ്രചരിപ്പിക്കുമെന്നു ഭീഷണി പെടുത്തി വീണ്ടും ലൈംഗികമായി പീഡിപ്പിക്കാന്‍ ശ്രമിക്കുകയായിരുന്നുവെന്നുമാണ് സ്ത്രീയുടെ പരാതി.
തിങ്കളാഴ്ച സ്ത്രീ നല്‍കിയ പരാതിയില്‍ വൈകിട്ടോടെ വിജീഷിനെ ചോദ്യം ചെയ്യലിനായി കൊടക്കാട് നിന്നുമാണ് നാട്ടുകല്‍ പൊലീസ് കസ്റ്റഡിയില്‍ എടുത്തത്.
ചോദ്യം ചെയ്യലിന് ശേഷം ചൊവ്വാഴ്ച രാവിലെ 11 മണിയോടെ പൊലീസ് അറസ്റ്റ് രേഖപ്പെടുത്തിയത്.