റിയാദ്: സഊദിയില്‍ നടന്ന വാഹനാപകടത്തില്‍ മണ്ണാര്‍ക്കാട് സ്വദേശി മരിച്ചു. കോട്ടോപ്പാടം കൂമഞ്ചേരിക്കുന്ന് പരേതനായ തെറ്റത്ത് മൊയ്തുപ്പ ഹാജിയുടെ മകന്‍ തെറ്റത്ത് ഉമര്‍ (50) ആണ് ജിദ്ദയില്‍ തിങ്കളാഴ്ച്ച നടന്ന അപകടത്തില്‍ മരിച്ചത്. ഇവിടെ മെഹ്‌റാന്‍ ഹോട്ടലില്‍ ജീവനക്കാരനായ അദ്ദേഹം ജോലി കഴിഞ്ഞു താമസ കേന്ദ്രത്തിലേക്ക് പോകാനായി റോഡ് മുറിച്ചു കടക്കുന്നതിനിടെയാണ് അപകടം. മുപ്പത് വര്‍ഷമായി സഊദിയിലുള്ള ഇദ്ദേഹം ഏറെക്കാലമായി മെഹ്‌റാനിലാണ് ജോലി ചെയ്തു വരുന്നത്.

റസീനയാണ് ഭാര്യ, മക്കള്‍: നജ്മുന്നീസ, അബ്ദുല്‍ ഗഫൂര്‍, ഇബ്രാഹീം ബാദുഷ (ജാമിഅ ഹികമിയ്യ മഞ്ചേരി വിദ്യാര്‍ത്ഥി), നമീറ. കിംഗ് ഫഹദ് ആശുപത്രി മോര്‍ച്ചറിയിലുള്ള മൃതദേഹം ജിദ്ദയില്‍ മറവു ചെയ്യാനുള്ള നടപടികള്‍ ആരംഭിച്ചിട്ടുണ്ട്.