പത്തനംതിട്ട: ഇന്ത്യന്‍ സൈന്യത്തെ താന്‍ അപമാനിച്ചുവെന്ന വാര്‍ത്ത തെറ്റാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. തനിക്കെതിരായ ആരോപണങ്ങള്‍ രാഷ്ട്രീയ പ്രേരിതമാണെന്നും കോടിയേരി പമ്പയില്‍ മാധ്യമങ്ങളോട് പറഞ്ഞു.
കശ്മിരിലും നാഗാലാന്‍ഡിലും മണിപ്പൂരിലും പ്രയോഗിക്കുന്ന പട്ടാള നിയമമായ'അഫ്‌സ്പ'കേരളത്തിലും നടപ്പാക്കണമെന്ന് വാദിക്കുന്ന ആര്‍.എസ്.എസ് നിലപാടിനെയാണ് ഞാന്‍ എതിര്‍ത്തത്. കണ്ണൂരില്‍ അത്തരം കരിനിയമം പ്രയോഗിക്കേണ്ട ഒരാവശ്യവുമില്ല.'അഫ്‌സ്പ'യെ എതിര്‍ത്താല്‍ സൈന്യത്തെ എതിര്‍ക്കലാണ് എന്ന വ്യാഖ്യാനം സംഘ്പരിവാര്‍ ഗൂഢാലോചനയുടെ ഉല്‍പ്പന്നമാണെന്നും കോടിയേരി പറഞ്ഞു.