കരക്കടിഞ്ഞത് 'ഏടി' ഇനത്തില്‍പെട്ട മത്സ്യം
കാഞ്ഞങ്ങാട്: പുഞ്ചാവി കടപ്പുറത്ത് ഇരുന്നൂറു കിലോ തൂക്കമുള്ള കൂറ്റന്‍ മത്സ്യം അടിഞ്ഞു. 'ഏടി' എന്നു പേരുള്ള മത്സ്യത്തെയാണ് ശബരീ ക്ലബിനു തൊട്ടു മുന്നില്‍ കണ്ടെത്തിയത്. ഉടന്‍ തന്നെ പരിസരവാസികള്‍ മത്സ്യത്തെ കടല്‍ക്കരയില്‍ നിന്ന് എടുത്ത് കടപ്പുറത്തേക്കു കൊണ്ടുവരുകയായിരുന്നു.
മത്സ്യം കരക്കടിഞ്ഞതു കാണാന്‍ നിരവധി ആളുകളാണ് കടപ്പുറത്തു തടിച്ചു കൂടിയത്. ഡോള്‍ഫിന്‍ മത്സ്യമാണ് കരക്കടിഞ്ഞിട്ടുള്ളതെന്ന വാര്‍ത്ത കേട്ടാണു കടലോരവാസികള്‍ കടപ്പുറത്തെത്തിയത്. പിന്നീട് മത്സ്യത്തൊഴിലാളികളാണ് ഡോള്‍ഫിനല്ലെന്നും 'ഏടി' എന്നു പേരുള്ള മത്സ്യമാണു കരക്കടിഞ്ഞതെന്നും മനസിലാക്കിയത്.