കാസര്‍കോട്: കനത്ത മഴയും പാതയിലേക്ക് മണ്ണിടിച്ചിലും വര്‍ധിച്ചതോടെ മംഗളൂരു- ബംഗളൂരു ട്രെയിന്‍ സര്‍വീസുകള്‍ റദ്ദാക്കി. എന്നാല്‍ ചില സര്‍വീസുകള്‍ വഴി തിരിച്ചു വിടുകയും ചെയ്തു. ഇന്നും നാളെയുമാണ് ഈ റൂട്ടില്‍ ട്രെയിന്‍ സര്‍വീസുകള്‍ റദ്ദാക്കിയത്.

സൗത്ത് വെസ്റ്റേണ്‍ റെയില്‍വേ (എസ്ഡബ്ല്യുആര്‍) ഇന്നും നാളെയുമുള്ള പകല്‍ ട്രെയിന്‍ സര്‍വീസുകളാണ് റദ്ദാക്കിയത്. രാത്രി സമയങ്ങളില്‍ ട്രെയിനുകള്‍ സേലം, പാലക്കാട് വഴി സര്‍വീസ് നടത്താനാണ് തീരുമാനം.

സകലേഷ്പുര്‍- സുബ്രഹ്മണ്യ ഭാഗത്ത് തുടര്‍ച്ചയായി മഴ പെയ്യുന്നതും ഇതേ തുടര്‍ന്ന് മണ്ണും പാറകളും അയയുകയും ഇവ റയില്‍വേ പാളത്തില്‍ വീണു ഗതാഗത തടസ്സം ഉണ്ടാകാന്‍ സാധ്യത ഉണ്ടെന്നും എസ്.ഡബ്ല്യു.ആര്‍ ഉദ്യോഗസ്ഥര്‍ പറയുന്നു. ഇതിനു പുറമെ, സഞ്ചരിക്കുന്ന ട്രെയിനുകള്‍ക്കു മുകളില്‍ വീഴാന്‍ പാകത്തില്‍ കൂറ്റന്‍ പാറക്കെട്ടുകള്‍ ഈ ഭാഗങ്ങളില്‍ ഉള്ളതിനാല്‍ ഇവ നീക്കം ചെയ്യാനുള്ള പ്രവര്‍ത്തനങ്ങളും റയില്‍വേ തുടങ്ങിയിട്ടുണ്ട്.

റദ്ദാക്കിയ ട്രെയിനുകള്‍

ട്രെയിന്‍ നമ്പര്‍ 16575 യശ്വന്ത്പൂര്‍- മംഗളൂരു ജംഗ്ഷന്‍, ഗോമതേശ്വര എക്‌സ്പ്രസ് ഇന്ന് റദ്ദാക്കി. ട്രെയിന്‍ നമ്പര്‍ 16576 മംഗളൂരു ജംഗ്ഷന്‍യശ്വന്ത്പൂര്‍- ഗോമാതേശ്വര എക്‌സ്പ്രസ് നാളെ ഓടില്ല.

ട്രെയിന്‍ നമ്പര്‍ 16513 ബെംഗളൂരുകാര്‍വാര്‍ എക്‌സ്പ്രസ് യാത്ര മംഗളൂരു സെന്‍ട്രലില്‍ നിര്‍ത്തി ഇടുകയും മംഗളൂരു സെന്‍ട്രലില്‍ നിന്ന് കാര്‍വറിലേക്കുള്ള ട്രെയിന്‍ സര്‍വീസ് റദ്ദാക്കുകയും ചെയ്യും. ട്രെയിന്‍ നമ്പര്‍ 16514 കാര്‍വാര്‍ബെംഗളൂരു ഓവര്‍നൈറ്റ് എക്‌സ്പ്രസ് ഇന്ന് കാര്‍വാറില്‍ നിന്ന് മംഗളൂരുവിലേക്ക് സര്‍വീസ് ഉണ്ടായിരിക്കുന്നതല്ല. മറിച്ച് മംഗളൂരു സെന്‍ട്രലില്‍ നിന്ന് ബംഗളൂരുവിലേക്കായിരിക്കും സര്‍വീസ് നടത്തുക.

ട്രെയിന്‍ നമ്പര്‍ 16511/16513 ട്രെയിന്‍ സര്‍വീസ് നടത്തുന്ന ബെംഗളൂരു കണ്ണൂര്‍ / കാര്‍വാര്‍ എക്‌സ്പ്രസ് യാത്ര ശ്രാവണബെലഗോല, ഹസ്സന്‍, സക്ലേഷ്പൂര്‍, മംഗളൂരു വഴി പോകുന്നതിനു പകരം ജോലാര്‍പേട്ട, സേലം, പാലക്കാട്, ഷോര്‍ണൂര്‍ ജംഗ്ഷന്‍ വഴി സര്‍വീസ് നടത്തും.

ട്രെയിന്‍ നമ്പര്‍ 16518/16524 കണ്ണൂര്‍ / കാര്‍വാര്‍ബെംഗളൂരു എക്‌സ്പ്രസ് യാത്ര മംഗളൂരു, സക്ലേശ്പുര, ഹസ്സന്‍, മൈസുരു വഴി പോകുന്നതിനു പകരമായി ഷൊര്‍ണുര്‍ ജംഗ്ഷന്‍ , പാലക്കാട്, സേലം, ജോലാര്‍പേട്ട വഴി സര്‍വീസ് നടത്തും.