റോം: തനിക്കെതിരേ വന്നിട്ടുള്ള ലൈംഗികാരോപണം നിഷേധിച്ച് പോര്‍ച്ചുഗീസ് താരം ക്രിസ്റ്റ്യാനോ റൊണാള്‍ഡോ. ട്വിറ്ററിലൂടെയാണ് താരം ഇക്കാര്യം അറിയിച്ചത്.
ഏതാനും ദിവസം മുമ്പാണ് 34 കാരിയായ അമേരിക്കന്‍ യുവതി ക്രിസ്റ്റ്യാനോ റൊണാള്‍ഡോ തന്നെ ലൈംഗികമായി ഉപയോഗിച്ചെന്ന് ആരോപിച്ചത്. 2009ലായിരുന്നു സംഭവം നടന്നതെന്നും യുവതി പറഞ്ഞു. ഇത്രയും കാലം എന്നെ റൊണാള്‍ഡോ നിശബ്ദയാക്കുകയായിരുന്നെന്നും യുവതി ആരോപിച്ചു.
എന്നാല്‍ ഞാന്‍ എത്തരത്തിലുള്ള ആളാണെന്ന് എന്നെ സ്‌നേഹിക്കുന്ന എല്ലാവര്‍ക്കുമറിയാമെന്നും ഇത്തരം ആരോപണങ്ങളെ നിയമം കൊണ്ട് നേരിടുമെന്നും ക്രിസ്റ്റ്യാനോ വ്യക്തമാക്കി. എന്റെ പേരു പറഞ്ഞ് ആരും മാധ്യമശ്രദ്ധ പിടിച്ചുപറ്റാന്‍ ശ്രമിക്കേണ്ടെന്നും അദ്ദേഹം പറഞ്ഞു. അതേസമയം, യുവതിയുടെ ആരോപണത്തെ തുടര്‍ന്ന് സംഭവത്തില്‍ പോലിസ് അന്വേഷണം ആരംഭിച്ചിട്ടുണ്ട്.