റിയാദ്: സഊദി അതിർത്തികൾ അടക്കുകയും വിമാന സർവ്വീസുകൾക്ക് സഊദി സിവിൽ എവിയേഷൻ വകുപ്പ് നിയന്ത്രണം ഏർപ്പെടുത്തുകയും ചെയ്തതിന്റെ അടിസ്ഥാനത്തിൽ വന്ദേ ഭാരത്‌ മിഷൻ വിമാന സർവ്വീസുകൾ നിർത്തിവെച്ചതായി എയർ ഇന്ത്യ അറിയിച്ചു. സഊദി സിവിൽ എവിയേഷൻ അതോറിറ്റി അറിയിപ്പ് പ്രകാരം ഒരാഴ്ച കാലത്തെ വന്ദേ ഭാരത്‌ സർവ്വീസുകൾ നിർത്തി വെച്ചതായി എയർ ഇന്ത്യ പുറത്തിറക്കിയ സർക്കുലറിൽ അറിയിച്ചു.

     എന്നാൽ, ഒരാഴ്ചക്ക് ശേഷം സഊദി സിവിൽ എവിയേഷൻ വകുപ്പ് സ്വീകരിക്കുന്ന നിലപാടുകൾക്ക് അനുസൃതമായിരിക്കും വന്ദേ ഭാരത്‌ സർവ്വീസുകൾ പുനഃരാരംഭിക്കുക. ഇതോടെ, നാട്ടിലേക് പോകാനായി ഒരുങ്ങിയ നിരവധി പേരുടെ യാത്ര മുടങ്ങി.