ചെറുപുഴ: നിര്‍ത്തിയിട്ട മാരുതി കാറിന് തീപിടിച്ചത് പരിഭ്രാന്തി പടര്‍ത്തി. ഇന്നലെ വൈകുന്നേരം ആറരയോടെയാണ് ചെറുപുഴ ബസ് സ്റ്റാന്‍ഡിനു സമീപം ജ്വല്ലറിക്കു മുന്‍പില്‍ കാറിന് തീപടര്‍ന്നത്. ഓടിക്കൂടിയ നാട്ടുകാര്‍ വെള്ളമൊഴിച്ച് തീ കെടുത്തി. കാറിന്റെ പെട്രോള്‍ ചോര്‍ന്ന് തീപിടിച്ചതായിരുന്നു. കാറില്‍ നിന്ന് പുക ഉയര്‍ന്നത് നാട്ടുകാരില്‍ പരിഭ്രാന്തി പടര്‍ത്തി. തിരക്കേറിയ റോഡിലായിരുന്നു അപകടം.