എടച്ചേരി: എടച്ചേരി തണല്‍ അന്തേവാസികള്‍ക്ക് സ്‌നേഹ സാന്ത്വനവുമായി എസ്.കെ.എസ്.എസ്.എഫ് വിഖായ വളണ്ടിയര്‍മാരെത്തി. വിഖായ എടച്ചേരി ക്ലസ്റ്ററിലെ ഏഴു ശാഖകളില്‍ നിന്ന് തെരഞ്ഞെടുത്ത നാല്‍പതോളം വളണ്ടിയര്‍മാരാണ് തണല്‍ സന്ദര്‍ശിച്ചത്.
സന്നദ്ധ സേവന രംഗത്ത് നിസ്തുലമായ സേവനങ്ങള്‍ കാഴ്ച വയ്ക്കുന്ന വിഖായ വളണ്ടിയര്‍മാരുടെ അസംബ്ലി തണലില്‍ ചേര്‍ന്നു. മണ്ഡലം എസ്.വൈ.എസ് സെക്രട്ടറി ഹാരിസ് റഹ്മാനി ഉദ്ഘാടനം ചെയ്തു.
ട്രന്റ് കണ്‍വീനര്‍ സവാദ് എടച്ചേരി, റഷീദ് പുത്തന്‍പള്ളി, സി.എച്ച് മൊയ്തു മാസ്റ്റര്‍, ഇസ്മയില്‍ കുന്നുമ്മല്‍, ഉനൈസ് കച്ചേരി, സി.എച്ച് മുഹമ്മദ് മുത്തന്‍പള്ളി, പര്‍വീസ് സെന്‍ട്രല്‍, ഇസ്മായില്‍ താഴെ പിലാവില്‍, ഫാസില്‍ പുതിയങ്ങാടി, ഹംറാസ് കളിയാം വെള്ളി, സഹല്‍ കമ്മോളി സംസാരിച്ചു.