വയനാട്: വയനാട് പടിഞ്ഞാറത്തറയില്‍ ബൈക്കപകടത്തില്‍ യുവാവ് മരിച്ചു. പടിഞ്ഞാറത്തറ കളത്തില്‍ അസീസിന്റെ മകന്‍ മുഹമ്മദ് ഇര്‍ഷാദ് (18) ആണ് മരിച്ചത്. വെള്ളമുണ്ട ഹൈസ്‌ക്കൂളിന് സമീപം വെച്ച് നിര്‍ത്തിയിട്ട ലോറിക്ക് പുറകിലായി ബൈക്കിടിച്ചതായാണ് പ്രാഥമിക വിവരം. തുടര്‍ന്ന് തലയ്ക്ക് ഗുരുതര പരുക്കുകളോടെ ജില്ലാശുപത്രിയിലെത്തിച്ച ഇര്‍ഷാദിനെ വിദഗ്ധ ചികിത്സക്കായി മെഡിക്കല്‍ കോളേജിലേക്ക് കൊണ്ടു പോകുന്ന യാത്രാ മധ്യേ മരിക്കുകയായിരുന്നു.