ജിദ്ദ : മനുഷ്യ ജീവിതം സാമൂഹ്യ മാധ്യമങ്ങളാല്‍ ഏറെ സ്വാധീനിക്കപെട്ട ഒരു കാലഘട്ടത്തിലൂടെയാണ് കടന്നു പോവുന്നതെന്നും തെറ്റായ പ്രചാരണങ്ങളും തെറ്റിദ്ധാരണ പടര്‍ത്തുന്ന രീതിയില്‍ നവ മാധ്യമങ്ങളിലെ ഇടപെടലുകളും പലപ്പോഴും സമൂഹത്തില്‍ അരാജകത്യവും അക്രമവും ശ്രഷ്ടിക്കാന്‍ കാരണമാവുമെന്നും മുസ്തഫ ഹുദവി ആക്കോട് അഭിപ്രായപ്പെട്ടു. സമസ്ത ഇസ്ലാമിക് സെന്റര്‍ ജിദ്ദ സെന്‍ട്രല്‍ കമ്മറ്റി ഷറഫിയ എയര്‍ ലൈന്‍സ് ഗാര്‍ഡന്‍ ഹോട്ടലില്‍ സംഘടിപ്പിച്ച പരിപാടിയില്‍ പ്രഭാഷണം നടത്തുകയായിരുന്നു അദ്ദേഹം.
സയ്യിദ് അന്‍വര്‍ തങ്ങള്‍ അദ്ധ്യക്ഷത വഹിച്ച പരിപാടി എസ്.ഐ.സി നാഷണല്‍ കമ്മറ്റി പ്രസിഡന്റെ സയ്യിദ് ഉബൈദുള്ള തങ്ങള്‍ മേലാറ്റൂര്‍ ഉല്‍ഘാടനം ചെയ്തു. മുസ്തഫ ബാഖവി ഊരകം, അബൂബക്കര്‍ ദാരിമി ആലംപാടി, മുജീബ് റഹ്മാനി, എം.സി സുബൈര്‍ ഹുദവി ,മുനീര്‍ ഫൈസി തുടങ്ങിയവര്‍ സംബന്ധിച്ചു. അബൂബക്കര്‍ ഹാജി കൊണ്ടോട്ടി, ഉസ്മാന്‍ എടത്തില്‍, അബ്ദുല്‍ അസീസ് പാറപ്പൂര്, അന്‍വര്‍ ഹുദവി, അബ്ദുല്‍ ജബ്ബാര്‍ ഹുദവി, ദില്‍ഷാദ് തലാപ്പില്‍ തുടങ്ങിയവര്‍ നേതൃത്യം നല്‍കി. നൗഷാദ് അന്‍വരി സ്വാഗതവും മൊയ്ദീന്‍ കുട്ടി അരിമ്പ്ര നന്ദിയും പറഞ്ഞു.