മുവാറ്റുപുഴ: ജില്ലയിലെ കിഴക്കന്‍ മേഖലയില്‍ ഡങ്കിപനിയും, മഞ്ഞപിത്തവും വ്യാപിച്ചിരിക്കുന്ന സാഹചര്യത്തില്‍ രോഗികള്‍ക്ക് സൗജന്യ ചികിത്സ ലഭ്യമാക്കുന്നതിന് സര്‍ക്കാര്‍ അടിയന്തിര നടപടികള്‍ സ്വീകരിക്കണമെന്ന് ഡി.സി.സി(ഐ) ജനറല്‍ സെക്രട്ടറി പി.പി എല്‍ദോസ് ആവശ്യപ്പെട്ടു. ഡങ്കിപനി ബാധിച്ച് പായിപ്ര പഞ്ചായത്തില്‍ രണ്ട് പേര്‍ മരണപെട്ടിട്ടും സര്‍ക്കാര്‍ യാതൊരു വിധ നടപടിയും സ്വീകരിച്ചിട്ടില്ല. ഇതിനിടെ മുളവൂരില്‍ എച്ച്.വണ്‍, എന്‍.വണ്‍ പനിയും സ്ഥിരീകരിച്ചിട്ടുണ്ട്. നിര്‍ദ്ധനരായ കുടുംബങ്ങളില്‍ പെട്ടവര്‍ രക്ത പരിശോധനയ്ക്കും ചികിത്സക്കുമായി നെട്ടോട്ടമോടുകയാണ്.
സാമ്പത്തിക ബുദ്ധിമുട്ട് അനുഭവിക്കുന്നവര്‍ക്ക് ടെസ്റ്റുകളും ചികിത്സയും സര്‍ക്കാര്‍ ചെലവില്‍ നടത്തുന്നതിന് നടപടി സ്വീകരിക്കണമെന്നും പനിയും മഞ്ഞപിത്തവും വ്യാപകമാകുന്നത് തടയുന്നതിന് ആരോഗ്യ വിഭാഗം കൂടുതല്‍ കാര്യക്ഷമമായി പ്രവര്‍ത്തിക്കുന്നതിന് നടപടികള്‍ സ്വീകരിക്കണമെന്നും അദ്ദേഹം ആവശ്യപ്പെട്ടു.