ദമാം: കൊല്ലം ആയൂര്‍ വയ്യാനം സ്വദേശി നവാസ് അബ്ബാസ് (44) കിഴക്കൻ സഊദിയിലെ ജുബൈലില്‍ നിര്യാതനായി. രാവിലെ റൂമിലുള്ളവര്‍ വിളിച്ചിട്ടും ഉണരാതായപ്പോഴാണ് മരിച്ച വിവരം അറിയുന്നത്.  മൃതദേഹം ജുബൈല്‍ ജനറല്‍ ആശുപത്രിയില്‍ സൂക്ഷിച്ചിരിക്കുകയാണ്. മൃതദേഹം ജുബൈലില്‍ മറവുചെയ്യാനുള്ള നടപടി ക്രമങ്ങള്‍ നടന്നു വരികയാണ്. ഉമ്മ: സഫിയ ബീവി. ഭാര്യ: നജ്മ. മക്കള്‍: അഹമ്മദ് നജാദ്, അഹമ്മദ് നാജിദ്. ഇമാംസ് കൗണ്‍സില്‍ കൊല്ലം മുന്‍ ജില്ലാ സെക്രട്ടറി ഷാജഹാന്‍ മന്നാനിയുടെ ഇളയ സഹോദരനാണ് മരിച്ചനവാസ്.