മണ്ണഞ്ചേരി(ആലപ്പുഴ): വയോധികയുടെ മൃതദേഹം ആഴത്തിലുള്ള മുറിവുകളോടെ കാര്‍ പോര്‍ച്ചില്‍ കണ്ടെത്തി. ആര്യാട് പഞ്ചായത്തില്‍ നോണ്‍ ടൗണ്‍ തുമ്പോളി വാര്‍ഡില്‍ കൊച്ചു തയ്യില്‍ പരേതനായ രാജപ്പന്റെ ഭാര്യ പി.മറിയാമ്മയാണ് മരിച്ചത്.

ഇന്നെല പുലര്‍ച്ചേ മറിയാമ്മയുടെ വീട്ടില്‍ പത്രവിതരണത്തിനെത്തിയ യുവാവാണ് മൃതദേഹം ആദ്യം കണ്ടത്. മരിച്ച മറിയാമ്മയുടെ തലയിലും ഇടതുകാലിലും ആഴേമറിയ മുറിവുകളുണ്ട്. ഭര്‍ത്താവിന്റെ മരണശേഷം മക്കളില്ലാത്ത മറിയാമ്മ തനിച്ചായിരുന്നു താമസം. ഏറെനാള്‍ വിദേശത്ത് നഴ്‌സായി ഇവര്‍ ജോലി ചെയ്തിരുന്നു. മൃതദേഹം ആലപ്പുഴ മെഡിക്കല്‍ കോളേജ് ആശുപത്രിയില്‍ പോസ്റ്റുമോര്‍ട്ടത്തിനുശേഷം ബന്ധുക്കള്‍ ഏറ്റുവാങ്ങി.