കാസര്‍കോട്: സ്വാതന്ത്രദിനാഘോഷത്തിന്റെ ഭാഗമായി കാസര്‍കോട്, ചെര്‍ക്കള, കുമ്പള, മഞ്ചേശ്യരം, ഉദുമ, കാഞ്ഞങ്ങാട്, ബദിയഡുക്ക, തൃക്കരിപ്പൂര്‍, പെരുമ്പട്ട, നീലേശ്വരം, മുള്ളേരിയ മേഖല കമ്മിറ്റിയുടെ കീഴിലായി 11 കേന്ദ്രങ്ങളില്‍ 15നു ഫ്രീഡം സ്‌ക്വയര്‍ സംഘടിപ്പിക്കാന്‍ എസ്.കെ.എസ്.എസ്.എഫ് ജില്ലാ സെക്രട്ടറിയേറ്റ് യോഗം തീരുമാനിച്ചു.  ഉംറ നിര്‍വഹിക്കാന്‍ പോകുന്ന എസ്.കെ.എസ്.എസ്.എഫ് ജില്ലാ സെക്രട്ടറിയേറ്റ് അംഗം മൊയ്തീന്‍ കുഞ്ഞി മൗലവി ചെര്‍ക്കളക്കു യാത്രയപ്പ് നല്‍കി. ജില്ലാ പ്രസിഡന്റ് താജുദ്ധീന്‍ ദാരിമി പടന്ന അധ്യക്ഷനായി. ജില്ലാ ജനറല്‍ സെക്രട്ടറി ഹാരിസ് ദാരിമി ബെദിര സ്വാഗതം പറഞ്ഞു.
എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍, ജില്ലാ ട്രഷറര്‍ സുഹൈര്‍ അസ്ഹരി പള്ളങ്കോട്, ബഷീര്‍ ദാരിമി തളങ്കര, റഷീദ് ഫൈസി ആറങ്ങാടി, മുഹമ്മദ് ഫൈസി കജ,  ശറഫുദ്ധീന്‍ കുണിയ, സിറാജുദ്ധീന്‍ ഖാസി ലൈന്‍, യൂനുസ് ഫൈസി, മൊയ്തു മൗലവി ചെര്‍ക്കള,  ഷൗക്കത്തലി മാസ്റ്റര്‍ പെരുമ്പട്ട തുടങ്ങിയവര്‍ പങ്കെടുത്തു.