മട്ടന്നൂര്‍: ഷാര്‍ജയില്‍ നിന്നു കണ്ണൂരിലേക്കുള്ള എയര്‍ഇന്ത്യാ എക്‌സ്പ്രസ് വിമാനം ഏഴുമണിക്കൂറോളം വൈകി. ഷാര്‍ജയില്‍ നിന്ന് ഇന്നലെ പുലര്‍ച്ചെ 3.15ന് പുറപ്പെടേണ്ട വിമാനം വൈകിയതിനെ തുടര്‍ന്നു ഷാര്‍ജ വിമാനത്താവളത്തില്‍ യാത്രക്കാര്‍ പ്രതിഷേധിച്ചു.
രാവിലെ 8.25ന് കണ്ണൂരിലെത്തേണ്ട വിമാനം ഉച്ചയ്ക്ക് 2.53നാണ് എത്തിയത്. തുടര്‍ന്നു രാവിലെ ഷാര്‍ജയിലേക്ക് പുറപ്പെടേണ്ട വിമാനവും മണിക്കൂറുകളോളം വൈകി. രാവിലെ 9.30ന് പുറപ്പെടേണ്ടിയിരുന്ന വിമാനം വൈകിട്ട് നാലിനാണ് ഷാര്‍ജയിലേക്കു പോയത്. സാങ്കേതികപ്രശ്‌നമാണു വിമാനം വൈകിയതിനു കാരണമെന്നാണ് കമ്പനി അധികൃതര്‍ അറിയിച്ചത്.
ഷാര്‍ജയില്‍ നിന്ന് ഇന്നലെ വൈകിട്ട് 4.25ന് എത്തേണ്ട എയര്‍ഇന്ത്യാ എക്‌സ്പ്രസ് വിമാനവും രണ്ടുമണിക്കൂര്‍ വൈകിയാണ് എത്തിയത്.