ഒരു ജനതയുടെ സംഗീത സഞ്ചാരങ്ങള്‍ എന്നാണ് പുസ്തകത്തിന്റെ സബ്‌ടൈറ്റില്‍. ഇത് അക്ഷരാര്‍ഥത്തില്‍ പ്രതിഫലിക്കുന്നതാണ് ഈ കൃതിയിലെ ഓരോ വരിയും. വി.ടി മുരളിയെന്ന മലയാളിയുടെ പ്രിയഗായകന്റെ മികച്ച എഴുത്തു പരിശ്രമമാണിത്.

ജയദേവന്‍, പുരന്ദര ദാസന്‍, മുത്തുസ്വാമി ദീക്ഷിതര്‍, ത്യാഗരാജ സ്വാമികള്‍ തുടങ്ങി ബാബുരാജ്, കെ.ജെ യേശുദാസ്, പി.ടി അബ്ദുറഹിമാന്‍, വി.ടിയുടെ പിതാവ് വി.ടി കുമാരന്‍ വരെയുള്ള സംഗീതരംഗത്തെ പ്രതിഭകളെക്കുറിച്ചാണ്
പുസ്തകത്തിന്റെ ഒന്നാം ഭാഗത്തില്‍ വിവരിച്ചിരിക്കുന്നത്. ആചാര്യന്മാര്‍ എന്നാണ് ഈ ഭാഗത്തിന് പേര് നല്‍കിയിരിക്കുന്നത്. പഠനം, ഓര്‍മ എന്നീ രണ്ട് ഭാഗങ്ങള്‍ കൂടിയുള്ള പുസ്തകത്തിന് വി.ആര്‍ സുധീഷാണ് അവതാരിക എഴുതിയിരിക്കുന്നത്.