തിരൂരങ്ങാടി: മലപ്പുറം കക്കാട് ദേശീയ പാതയില്‍ ടൂറിസ്റ്റ് ബസും ബൈക്കും കൂട്ടിയിടിച്ച് ബൈക്ക് യാത്രികരായ രണ്ടു പേര്‍ മരിച്ചു. ഇന്ന് രാവിലെ 1035ഓടെയായിരുന്നു അപകടം.

കുറ്റിപ്പുറം പള്ളിപ്പടി സ്വദേശികളായ വരിക്കപ്പുലാക്കല്‍ അബ്ദുല്‍ അസീസ് (17) അയല്‍വാസി ഷഹീന്‍ (20) എന്നിവരാണ് മരിച്ചത്. കുറ്റിപ്പുറത്തു നിന്നും ജോലിക്കായി കോഴിക്കോട് താമരശേരിയിലേക്ക് ബൈക്കില്‍ പുറപ്പെട്ടതായിരുന്നു ഇരുവരും.

[caption id="attachment_338517" align="alignnone" width="630"] കക്കാട്ട് രണ്ടു പേരുടെ മരണത്തിനിടയാക്കിയ അപകടത്തില്‍ പെട്ട ടൂറിസ്റ്റ് ബസ്.[/caption]

കക്കാട് മേലെ പെട്രോള്‍ പമ്പിനു മുന്‍വശത്തു വച്ച് എതിരേ വന്ന മറ്റൊരു ബൈക്കിനെ വെട്ടിച്ചതിനാല്‍ നിയന്ത്രണംവിട്ട ബൈക്ക് കോഴിക്കോട് ഭാഗത്തു നിന്നും വന്ന ബസില്‍ ഇടിക്കുകയായിരുന്നു. വിവാഹ സംഘം സഞ്ചരിച്ച ടൂറിസ്റ്റ് ബസിലാണ് ബൈക്കിടിച്ചത്.

തുടര്‍ന്ന് ബസ് ഇരുവരെയും 35 മീറ്ററോളം വലിച്ചിഴച്ചു കൊണ്ടുപോയി. നാട്ടുകാരും പൊലിസും ചേര്‍ന്നാണ് രക്ഷാപ്രവര്‍ത്തനം നടത്തിയത്.