തിരുവനന്തപുരം: പ്രധാനമന്ത്രി നരേന്ദ്രമോദിയുമായി ചര്‍ച്ചയ്ക്ക് പോകുന്നതിന് മുന്‍പ് ക്രൈസ്തവ മേലധ്യക്ഷന്മാര്‍ നിര്‍ബന്ധമായും സംഘ്പരിവാറിന്റെ വഴികാട്ടിയായ വിചാരധാര വായിക്കണമെന്ന് ബിനോയ് വിശ്വം. വിചാരധാരയില്‍ ആഭ്യന്തരശത്രുക്കള്‍ എന്ന അധ്യായത്തില്‍ രണ്ടാമതായി പരാമര്‍ശിക്കുന്നത് ക്രിസ്ത്യാനികളെ കുറിച്ചാണ്. ആ നിലപാടില്‍നിന്ന് ആര്‍.എസ്.എസ് മാറിയോ എന്ന് മോദിയോട് ചോദിക്കുമോയെന്നും അദ്ദേഹം പറഞ്ഞു.

അതേ സമയം കേരളത്തിലെ ക്രൈസ്തവ സമൂഹത്തിന്റെ ആശങ്ക പരിഹരിക്കാന്‍ പ്രധാനമന്ത്രി നരേന്ദ്ര മോദിയുടെ ഇടപെടല്‍ ഉണ്ടാകുമെന്ന്‌ മിസോറാം ഗവര്‍ണര്‍ അഡ്വ.പി.എസ് ശ്രീധരന്‍പിള്ള പറഞ്ഞു.
സഭാതര്‍ക്കം പരിഹരിക്കാന്‍ ഓര്‍ത്തഡോക്‌സ്, യാക്കോബായ സഭകളുമായി പ്രധാനമന്ത്രി ചര്‍ച്ച നടത്തും. വെവ്വേറെ ദിവസങ്ങളിലാണ് ഓര്‍ത്തഡോക്‌സ്, യാക്കോബായ സഭാനേതൃത്വങ്ങളുമായി ചര്‍ച്ച നടത്തുകയെന്നും ശ്രീധരന്‍ പള്ളി പറഞ്ഞു.