കൊടുങ്ങല്ലൂര്‍: നാല്‍ക്കാലിയോട്  കൊടും ക്രൂരത. കൊടുങ്ങല്ലൂരിലാണ് പോത്തിന്‍ കിടാവിന്റെ നാവറുത്ത് മാറ്റിയത്. എറിയാട് ചന്തപ്പാലത്തിന് കിഴക്കുവശം കൈമാപറമ്പില്‍ വിനോദിന്റെ ഉടമസ്ഥതയിലുള്ള പോത്തിന്‍ കിടാവാണ് ക്രൂരതയ്ക്ക് ഇരയായത്.

വീട്ടുമുറ്റത്ത് കെട്ടിയിട്ടിരുന്ന പോത്തിന്‍ കിടാവിന് രാവിലെ വെള്ളം നല്‍കാനായി എത്തിയപ്പോഴാണ് സംഭവമറിഞ്ഞത്. വെള്ളത്തില്‍ ചോര കലരുന്നതു കണ്ട വീട്ടുകാര്‍ നടത്തിയ പരിശോധനയിലാണ് നാവ് മുറിച്ചു നീക്കിയത് കണ്ടെത്തിയത്. നാല് ഇഞ്ചിലധികം നീളത്തില്‍ നാവ് നഷ്ടപ്പെട്ടിട്ടുണ്ട്.