ഒളവണ്ണ: കഴിഞ്ഞ ദിവസമുണ്ടായ മഴയിലും കാറ്റിലും വീടിന്റെ മേല്‍ക്കുര തകര്‍ന്നു വീണ് യുവതിക്ക് പരുക്കേറ്റു. ഒളവണ്ണ പഞ്ചായത്തില്‍ പന്തീരങ്കാവ് ജ്യോതി ബസ് റ്റോപ്പിനു സമീപം പാറപ്പുറത്ത് കെ.പി ഉണ്ണികൃഷണന്റെ വീടാണ് തകര്‍ന്നത്. ഭാര്യ പ്രഭജ (46)ക്കാണ് പരുക്കേറ്റത്.
ചുവരുകള്‍ക്ക് വിള്ളല്‍ വീണ് വീടും അപകടാവസ്ഥയിലായി. ചൊവ്വാഴ്ച അര്‍ധരാത്രിയാണ് അപകടം ഉണ്ടായത്. മേല്‍ക്കൂര പൂര്‍ണമായും നിലം പൊത്തിയപ്പോള്‍ സമീപവാസികളുടെ നേതൃത്വത്തിലാണ് രക്ഷാപ്രവര്‍ത്തനം നടത്തിയത്. വാഹന അപകടത്തില്‍ പരുക്കേറ്റ
ഉണ്ണികൃഷ്ണന്‍ ഒരു വര്‍ഷത്തോളമായി കിടപ്പിലാണ്. ഏക മകന്‍ കുറ്റ്യാടിയില്‍ ജോലി ചെയ്യവെ ആറ് മാസം മുമ്പ് മരിച്ചിരുന്നു. ദുരിത ജീവിതം നയിക്കുന്നതിനിടെ വീടും തകര്‍ന്നതോടെ ഈ കുടുംബം പൂര്‍ണമായും ജീവിതം വഴിമുട്ടിയ അവസ്ഥയിലായിരിക്കുകയാണ്.