മാങ്കടവ്: മനുഷ്യസമൂഹത്തിന്റെ പുരോഗതി മതധാര്‍മീകാധിഷ്ഠയിലൂടെ മാത്രമേ സാധ്യമാകൂവെന്നും ഉത്തമസമൂഹത്തിന്റെ പുനഃസൃഷ്ടിക്ക് ഖുര്‍ആനിനെ പൂര്‍ണമായും അനുധാവനം ചെയ്യേണ്ടത് അനിവാര്യമാണെന്നും പാണക്കാട് റഷീദലി തങ്ങള്‍. കണ്ണൂര്‍ ജില്ലാ എസ്.വൈ.എസ് ജിദ്ദ കമ്മിറ്റി ജില്ലയിലെ പാവപ്പെട്ട മദ്‌റസാ വിദ്യാര്‍ഥികള്‍ക്കായി നല്‍കുന്ന ഖുര്‍ആന്‍ വിതരണം മാങ്കടവ് മദ്‌റസയില്‍ നിര്‍വഹിക്കുകയായിരുന്നു അദ്ദേഹം. ജിദ്ദ എസ്.വൈ.എസ് ജില്ലാ കമ്മിറ്റി പ്രസിഡന്റ് അബ്ദുല്ല മാങ്കടവ് അധ്യക്ഷനായി. എസ്.വൈ.എസ് സംസ്ഥാന സെക്രട്ടറി അഹ്മദ് തേര്‍ളായി മുഖ്യപ്രഭാഷണം നടത്തി. മാണിയൂര്‍ അബ്ദുല്‍ ഖാദര്‍ അല്‍ ഖാസിമി, കെ.ടി അബ്ദുല്‍ ഖാദര്‍, കുഞ്ഞാലി മുസ്‌ലിയാര്‍, ഇബ്രാഹിം ബാഖവി പന്നിയൂര്‍, എ.കെ അബ്ദുല്‍ ബാഖി, ഷഹീര്‍ പാപ്പിനിശേരി സംസാരിച്ചു.