മലപ്പുറം:  അധ്യയന വര്‍ഷം ആരംഭിച്ച് രണ്ടു മാസം പിന്നിട്ടിട്ടും ജില്ലയിലെ മിക്ക  ഗവ.സ്‌കൂളുകളിലും അധ്യാപക തസ്തിക ഒഴിഞ്ഞു  കിടക്കുകയാണെന്നു കെ.എസ്.ടി.യു മലപ്പുറം ഉപജില്ലാ കമ്മിറ്റി ആരോപിച്ചു.  
സ്‌കൂളുകളിലുണ്ടാകുന്ന അധ്യാപക ഒഴിവുകളിലേക്കു ദിവസവേതനാടിസ്ഥാനത്തില്‍ താല്‍ക്കാലിക നിയമനം നടത്താനുള്ള സ്‌കൂള്‍  അധികൃതര്‍ക്കുണ്ടായിരുന്ന അധികാരം സര്‍ക്കാര്‍ ഒരു ഉത്തരവിലൂടെ  തടയപ്പെട്ടിരിക്കുകയാണ്. സ്ഥിരനിയമനം പിഎസ്‌സി വഴി ഉടന്‍  നടത്തുകയും ദിവസവേതനാടിസ്ഥാനത്തില്‍ അധ്യാപകരെ നിയമിക്കാനുള്ള  ഉത്തരവ് ഉടന്‍ പുന:സ്ഥാപിച്ച് ഉത്തരവിറക്കണമെന്നും കമ്മിറ്റി ആവശ്യപ്പെട്ടു.  
സംസ്ഥാന ജനറല്‍ സെക്രട്ടറി എ.കെ സൈനുദ്ദീന്‍ ഉദ്ഘാടനം ചെയ്തു. പ്രസിഡന്റ്  എം.ടി ഉമ്മര്‍ അധ്യക്ഷനായി. മജീദ് കാടേങ്ങല്‍, എം.സിദ്ദീഖ്, ടി.എം ജലീല്‍,  എം.മുഹമ്മദ് സലീം, ഷബീര്‍ പുള്ളിയില്‍, സി.എച്ച് യാസറലി, ഒ.അബ്ദുസലാം,  ഉസ്മാന്‍ മീനാര്‍കുഴി സംസാരിച്ചു.