കല്‍പ്പറ്റ: അച്ചൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ നിര്‍മിച്ച പുതിയ കെട്ടിടം നാളെ തദ്ദേശസ്വയംഭരണ മന്ത്രി ഡോ. കെ ടി ജലീല്‍ ഉദ്ഘാടനം ചെയ്യുമെന്ന് അധികൃതര്‍ വാര്‍ത്താസമ്മേളനത്തില്‍ അറിയിച്ചു. ചടങ്ങില്‍ സി.കെ ശശീന്ദ്രന്‍ എം.എല്‍.എ അധ്യക്ഷനാകും.
എം.എസ്.ഡി.പി പദ്ധതി പ്രകാരമാണ് ഒരു കോടി രൂപ ചെലവില്‍ കെട്ടിടം നിര്‍മിച്ചത്. ഉദ്ഘാടന ചടങ്ങില്‍ എം.ഐ ഷാനവാസ് എംപി മുഖ്യാതിഥിയാവും. സപ്ലിമെന്റ് പ്രകാശനം ജില്ലാ പഞ്ചായത്ത് പ്രസിഡന്റ് ഉഷാകുമാരിയും അവാര്‍ഡ് വിതരണം പഞ്ചായത്ത് പ്രസിഡന്റ് എന്‍.സി പ്രസാദ്, കലക്ടര്‍ വി കേശവേന്ദ്രകുമാര്‍ എന്നിവരും നിര്‍വഹിക്കും. വാര്‍ത്താസമ്മേളനത്തില്‍ ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍, സ്റ്റാന്‍ഡിങ് കമ്മിറ്റി ചെയര്‍മാന്‍മാരായ എം സെയ്ത്, ജിന്‍സിസണ്ണി, പ്രിന്‍സിപ്പല്‍ മുഹമ്മദ് ഷാഫി, എച്ച്. എം പി.എം രജനി, അബ്ദുറഹിമാന്‍, പ്രമോദിമൂടാടി, നജ്മുദീന്‍ എന്നിവര്‍ പങ്കെടുത്തു.