നെയ്യാറ്റിന്‍കര: മലയാളത്തിലെ മികച്ച വൈജ്ഞാനിക സാഹിത്യ കൃതിയ്ക്ക് പൂഴിക്കുന്ന് രവീന്ദ്രന്‍ സ്മാരക പഠന ഗവേഷണ കേന്ദ്രം നല്‍കുന്ന ദ്യുതി അക്ഷരപുരസ്‌കാരം ഡോ.ആര്‍.രാധാകൃഷ്ണന് സി.ദിവാകരന്‍ എം.എല്‍.എ സമ്മാനിച്ചു. കേരളത്തിന്റെ സ്ത്രി ശക്തി ചരിത്രം എന്ന പുസ്തകമാണ് ആര്‍.രാധാകൃഷ്ണനെ പുരസ്‌കാരത്തിന് അര്‍ഹനാക്കിയത്.
സി.പി.ഐ ജില്ലാ കൗണ്‍സില്‍ അംഗവും ദീര്‍ഘകാലം പൂഴിക്കുന്ന് ഗ്രാമ സേവിനി ഗ്രന്ഥശാല പ്രസിഡന്റും താലൂക്ക് സമിതി അംഗവുമായിരുന്ന പൂഴിക്കുന്ന് രവീന്ദ്രന്റെ സ്മൃതിദിനത്തില്‍ പൂഴിക്കുന്നില്‍ ചേര്‍ന്ന അനുസ്മരണ സമ്മേളനത്തിന്റെ ഉദ്ഘാടനവും സി.ദിവാകരന്‍ നിര്‍വഹിച്ചു.
ചടങ്ങില്‍ ഡോ.എസ്.വി.വേണുഗോപാലന്‍നായര്‍ അധ്യക്ഷനായി. പി.കെ.രാജ്‌മോഹന്‍ , ഡോ.ഉഷാസതീഷ് , എസ്.രാജഗോപാലന്‍ , സി. പ്രേംകുമാര്‍ , സതീഷ് കിടാരക്കുഴി , സി.വി.സുരേഷ് , ആര്‍.വി.അജയഘോഷ് തുടങ്ങിയവര്‍ പങ്കെടുത്തു.