ദമസ്‌കസ്: സിറിയയിലെ ഇദ്‌ലിബില്‍ സര്‍ക്കാര്‍ സേന നടത്തിയ വ്യോമാക്രമണത്തില്‍ യുവ മാധ്യമപ്രവര്‍ത്തകനടക്കം 27 പേര്‍ കൊല്ലപ്പെട്ടു.
വാര്‍ത്താ ഏജന്‍സിയായ എ. എഫ്.പിക്കുവേണ്ടി ഫോട്ടോകളെടുക്കുകയായിരുന്ന 20കാരനായ അനസ് അല്‍ ദയബ് എന്ന ഫോട്ടോഗ്രാഫറാണ് കൊല്ലപ്പെട്ടത്.
വൈറ്റ് ഹെല്‍മറ്റ് രക്ഷാസംഘത്തിലെ അംഗം കൂടിയാണ് ഇയാള്‍.
തന്റെ ഗ്രാമമായ ഖാന്‍ ശെയ്‌ഖോനില്‍ വച്ച് ബോംബാക്രമണ രംഗം കാമറയില്‍ പകര്‍ത്തുന്നതിനിടെയാണ് ഇയാള്‍ കൊല്ലപ്പെട്ടത്.
കൊല്ലപ്പെട്ട 27 പേരും സാധാരണക്കാരാണ്. ഇതില്‍ ഏഴു കുട്ടികളും ഉള്‍പ്പെടുന്നു. നിരവധിപേര്‍ക്ക് പരുക്കുണ്ട്.