കുന്നൂര്‍: കഴിഞ്ഞ ദിവസങ്ങളിലുണ്ടായ ശക്തമായ മഴ കുന്നൂര്‍ വെല്ലിങ് ടണില്‍ നാശം വിതച്ചു. പര്‍വത റെയില്‍വേ ട്രാക്കില്‍ മരം വീണ് ഗതാഗതം തടസപ്പെട്ടു.
സംരക്ഷണഭിത്തി മറിഞ്ഞവീണ് മൂന്ന് വീടുകള്‍ തകരുകയും ചെയ്തു. കുന്നൂര്‍ വെല്ലങ് ടണ്‍ ജയന്തി നഗറില്‍ ഇന്നലെ പുലര്‍ച്ചെയാണ് സംഭവം. ശബ്ദം കേട്ട് ആളുകള്‍ വീടുകളില്‍ നിന്നും ഇറങ്ങി ഓടിയതിനാല്‍ വന്‍ ദുരന്തമാണ് ഒഴിവായത്. വീട്ട് ഉപകരണങ്ങള്‍ നശിച്ചിട്ടുണ്ട്.
2011ലാണ് ഇവിടെ സംരക്ഷണഭിത്തി നിര്‍മിച്ചിരുന്നത്. വെല്ലിങ് ടണിന് സമീപത്തെ റെയില്‍പാളത്തില്‍ സമീപത്തെ കര്‍പൂര മരങ്ങളിലൊന്നണ് മറിഞ്ഞ് വീണത്. അതിനിടെ മരം മുറിച്ച് മാറ്റുന്നതിനിടെ പത്ത് റെയില്‍വേ ജീവനക്കാര്‍ക്ക് തേനീച്ചയുടെ കുത്തുമേറ്റു. ഇതേത്തുടര്‍ന്ന് ഗതാഗതം തടസപ്പെട്ടു. ഒരു മണിക്കൂര്‍ വൈകിയാണ് തീവണ്ടി സര്‍വിസ് നടത്തിയത്.